लोकसभा निवडणूक (Loksabha Election 2024) लढवण्याची इच्छा असलेले वसंत मोरे (Vasant More) यांनी काही दिवसांपूर्वी वंचित बहुजन आघाडीचे प्रमुख प्रकाश आंबेडकर (Prakash Ambedkar) यांची भेट घेतली होती. त्यानंतर त्यांना वंचित बहुजन आघाडीकडून उमेदवारी जाहीर करण्यात आली आहे. त्यांना वंचितकडून पुणे मतदारसंघासाठी उमेदवारी देण्यात आली आहे.
वंचित बहुजन आघाडीने त्यांची तिसरी उमेदवार यादी जाहीर केली आहे. या यादीमध्ये वसंत मोरे यांचे नाव घोषित करण्यात आले आहे. तर आता वसंत मोरे वंचित बहुजन आघाडीत अधिकृत प्रवेश करणार आहेत.
मिळालेल्या माहितीनुसार, वसंत मोरे 5 एप्रिल रोजी वंचित बहुजन आघाडी पक्षात अधिकृतरित्या प्रवेश करणार आहेत. प्रकाश आंबेडकर आणि सुजात आंबेडकर यांच्या उपस्थितीत वसंत मोरे पक्ष प्रवेश करणार आहेत.
मोरेंचा पक्ष प्रवेश प्रकाश आंबेडकर यांच्या अकोल्यातील निवासस्थानी होणार आहे. तसंच शक्ती प्रदर्शन करत वसंत मोरेंचा पक्ष प्रवेश सोहळा अकोल्यात पार पडणार आहे.
