आज आयपीएल स्पर्धेत दिल्ली कॅपिटल्स विरुद्ध कोलकाता नाईट रायडर्स असा सामना रंगला आहे. श्रेयस अय्यरच्या कोलकाता संघाने टॉस जिंकत प्रथम फलंदाजी करण्याचा निर्णय घेतला आहे. आज साडे सात वाजता सामना सुरु झाला आहे. विशाखापट्टणमच्या मैदनानावर रिषभ पँटची दिल्ली कॅपिटल्स आणि अय्यरची कोलकता नाईट रायडर्स आमनेसामने आले आहेत. आज दिल्लीची चौथी तर कोलकाताच्या तिसरी मॅच आहे. दिल्लीने आपल्या संघात काहीसे बदल केले आहेत.
दिल्लीने पहिले दोन सामने हरल्यानंतर चेन्नईला त्यांच्या होम ग्राउंडवर पराभूत केले आहे. तर कोलकाता संघ आपले दोन्ही सामने जिकून आजचा तिसरा सामना खेळत आहे. दिल्ली पॉईंट्स टेबलमध्ये ७ व्या स्थानावर आहे. तर कोलकता दुसऱ्या स्थानावर आहे. दरम्यान १५ व्या सामन्यानंतर आयपीएलच्या पॉईंट्स टेबलमध्ये हालचाल वाढली आहे. पहिल्या स्थानावर कोणती टीम आहे आणि शेवटच्या नंबरवर कोण आहे याबद्दल थोडक्यात जाणून घेऊयात.
आयपीएलच्या पॉईंट्स टेबलमध्ये सध्या राजस्थान रॉयल्स पहिल्या नंबरवर आहे. दुसऱ्या नंबरवर कोलकाता नाईट रायडर्स तर तिसऱ्या नंबरवर सीएसके आणि आता चौथ्या नंबरवर लखनौ आहे. कालच्या सामन्यात आरसीबी पराभूत केल्यानंतर लखनौ चौथ्या नंबरवर पोहोचली आहे. सध्या गुजरात टायटन्स संघ पाचव्या स्थानावर आहे. सनरायझर्स हैदराबाद संघ सहाव्या क्रमांकावर आहे. दिल्ली कॅपिटल्स सातव्या क्रमांकावर आहे. आम्ही तुम्हाला सांगतो की पंजाब किंग्स 8 व्या क्रमांकावर आपले स्थान निर्माण करण्यात यशस्वी ठरला आहे. आरसीबी नवव्या क्रमांकावर आहे, तर मुंबईचा संघ दहाव्या क्रमांकावर आहे.
