Taapsee Pannu Wedding Video : अभिनेत्री तापसी पन्नूच्या (Taapsee Pannu) सिक्रेट वेडिंगच्या बातमीनंतर तब्बल 12 दिवसांनी आता सोशल मीडियावर एक व्हिडिओ व्हायरल होत आहे. तापसी आणि तिचा प्रियकर मॅथियसच्या (Mathias) उदयपूरमधील लग्नाचा हा व्हिडिओ आहे. यामध्ये तापसी पंजाबी स्टाईल वधूच्या लूकमध्ये मॅथियस समोर येताना पंजाबी गाण्यावर धमाकेदार डान्स करताना दिसत आहे.
व्हायरल झालेल्या व्हिडीओमध्ये तापसीने लाल रंगाचा पंजाबी सूट परिधान केला होता. तर या सूटवर तिने स्टायलिश वेणी, डोळ्यांवर सनग्लासेस आणि दोन्ही हातात भरलेला लाल चुडा अशा या भन्नाट लूकमध्ये तापसी खुप सुंदर दिसत होती. तर मॅथियसनेही पारंपारिक पंजाबी लूक केला होता. त्याने शेरवानी, पगडी परिधान करत खास पंजाबी लूक केला होता.
https://www.instagram.com/reel/C5UtKjNv2BF/?utm_source=ig_web_copy_link
तापसीने पंजाबी गाण्यावर भन्नाट असा डान्स करत लग्नमंडपात एन्ट्री केली होती. त्यानंतर तिने स्टेजवर चढताच मॅथियसला मिठी मारली. नंतर दोघांचा वरमालाचा विधी मोठ्या थाटात पार पडला. सध्या सोशल मीडियावर तापसीच्या खास लग्नसोहळ्याचा व्हिडीओ मोठ्या प्रमाणात व्हायरल होत आहे.
सोशल मीडियावर तापसीच्या लग्नसोहळ्याचा व्हिडीओ जरी व्हायरल होत असला तरी तापसीने अद्याप याबाबत कोणतीही अधिकृत घोषणा केलेली नाहीये. त्यामुळे आता चाहते तापसीच्या अधिकृत घोषणेची आणि तिच्या लग्नाचे फोटो पाहण्यासाठी आतुरतेने वाट पाहत आहेत.
