विशेष पीएमएलए कोर्टाने तुरुंगात असलेल्या झारखंड मुक्ती मोर्चाचे (जेएमएम) नेते आणि माजी मुख्यमंत्री हेमंत सोरेन(Hemant Soren) यांच्या विरोधात अंमलबजावणी संचालनालयाने (ईडी) दाखल केलेल्या फिर्यादी तक्रारीची दखल घेतली. सोरेन, जमिनीच्या घोटाळ्याशी संबंधित मनी लाँड्रिंग प्रकरणात तुरुंगात आहेत.
5,500 पानांची ही तक्रार शनिवारी रांची येथील विशेष पीएमएलए न्यायालयात सादर करण्यात आली. केंद्रीय तपास यंत्रणेने या जमीन ‘घोटाळा’ प्रकरणात 8.5 एकर जमीनही जप्त केली आहे. सोरेन यांना ३१ जानेवारी रोजी अटक करण्यात आली होती आणि सध्या ते रांची येथील होटवार येथील बिरसा मुंडा मध्यवर्ती कारागृहात आहेत. 21 मार्च रोजी पीएमएलए कोर्टाने त्यांच्या न्यायालयीन कोठडीत 4 एप्रिलपर्यंत वाढ केली होती.
29 फेब्रुवारी रोजी झारखंड उच्च न्यायालयाने माजी मुख्यमंत्र्यांनी राज्य विधानसभेच्या अर्थसंकल्पीय अधिवेशनाला उपस्थित राहण्याची परवानगी मागणारी याचिका फेटाळून लावली.यापूर्वी, ईडीने दावा केला होता की त्यांनी हेमंत सोरेन यांच्या दिल्लीतील निवासस्थानावर छापा टाकताना ईडीच्या पथकाने 36 लाख रुपये रोख रक्कम, एक बीएमडब्ल्यू कार आणि काही जमिनीच्या घोटाळ्याच्या संबंधातली आक्षेपार्ह कागदपत्रे जप्त केली आहेत.
तसेच 8.5 एकर जमिन ही सोरेन यांनी कथितरित्या संपादित केलेल्या गुन्हेगारी कमाईचा भाग असल्याचेही ईडीने सांगितले होते.
