अभिनेत्री जुही चावला (Juhi Chawla) आणि अभिनेता शाहरुख खानची (Shah Rukh Khan) ऑन-स्क्रीन जोडी लोकांना आजही आवडते. एकेकाळी या दोघांनी अनेक सुपरहिट चित्रपटांमध्ये एकत्र काम केले होते. तर आजही हे दोघे अजूनही एकत्र काम करत आहेत, पण यावेळी चित्रपटांऐवजी क्रिकेटच्या खेळात. जुही आणि शाहरुख आयपीएल टीम केकेआरचे (KKR) मालक आहेत. हे दोघेही अनेकदा मैदानावर आपल्या संघासाठी चिअर करताना दिसतात. पण संघासाठी चिअर करताना या दोघांना एकत्र कधीच पाहिलं जात नाही. तर याबाबतच जुहीने मोठा खुलासा केला आहे.
जुही चावलाने माध्यमांशी संवाद साधताना सांगितले की, तिला शाहरुखसोबत मॅच पाहणे आवडत नाही. कारण मी आणि शाहरुख एकत्र बसून सामना पाहण्यासाठी चांगले लोक नाहीत. जेव्हा केकेआरचा सामना होतो तेव्हा आम्ही नेहमीच तणावात असतो.
शाहरुखसोबत केकेआरचे सामने न पाहण्याचे कारण सांगताना जुही म्हणाली की, जेव्हाही त्यांचा संघ चांगला खेळत नाही तेव्हा शाहरुख त्याचा राग तिच्यावर काढतो. त्यामुळे मला शाहरूखसोबत मॅच आवडत नाही, असा खुलासा जुहीने केला आहे.
दरम्यान, सध्या आयपीएलचा 17 वा मोसम सुरू आहे. यामध्ये एकापेक्षा एक रोमांचक सामने पाहायला मिळत आहेत. तर काल (3 एप्रिल 2024) KKR आणि दिल्ली कॅपिटल्स यांच्यातील सामन्यात अनेक विक्रम मोडले गेले. जुही आणि शाहरुखचा संघ केकेआरने दिल्लीचा 106 धावांनी पराभव करत शानदार विजयाची नोंद केली. त्याचवेळी नरेन, रिंकू आणि रसेल यांच्यावरही षटकारांचा पाऊस पडला. सामन्यादरम्यान शाहरुख खान हसताना आणि वेळोवेळी आपल्या टीमला प्रोत्साहन देताना दिसला.
जुही चावला आणि शाहरुख खानची जोडी पडद्यावर खूपच गाजली आहे. दोघांनी एकत्र अनेक चित्रपटांमध्ये मुख्य भूमिका साकारल्या आहेत. या दोघांनी डर, फिर भी दिल है हिंदुस्तानी, येस बॉस, राम जाने, वन टू का फोर, राजू बन गया जेंटलमन आणि भूतनाथ यांसारख्या अनेक चित्रपटात काम केले होते.
