आज आयपीएलच्या यंदाच्या हंगामात आज रॉयल चॅलेंजर्स बंगलोर आणि राजस्थान रॉयल्स यांच्यात सामना होणार आहे. दोन रॉयल्स संघांमध्ये राजस्थानचे वजन मोठे असल्याचे म्हटले जात आहे. राजस्थान रॉयल्सने आतापर्यंत ३ सामन्यात विजय मिळविला आहे. तर बंगलोरच्या संघाला चार सामन्यात ३ पराभव स्वीकारावे लागले आहेत. त्यामुळे आजच्या सामन्यात राजस्थान रॉयल्स आपला चौथा विजय साकारण्यासाठी तर बंगलोर आपला चौथा पराभव टाळण्यासाठी मैदानात उतरणार आहे.
आरसीबी आजच्या सामन्यात आपल्या पराभवाची मालिका संपवण्यासाठी प्रयत्न करणार आहेत. विराट कोहलीबरोबर सर्व संघाने सांघिक कामगिरी केल्यास आरसीबी आजचा सामना जिंकू शकते. आयपीएलच्या पॉईंट्स टेबलमध्ये ३ पैकी ३ सामने जिंकून राजस्थान रॉयल्स तिसऱ्या स्थानावर आहे. तर बंगलोर आता पर्यंत ४ सामने खेळली आहे.त्यातील ३ सामन्यात आरसीबीचा पराभव झाला आहे. यामुळे २ गुणांसह ते ८ व्या स्थानावर आहेत.
