इंडियन प्रीमियर लीग (IPL 2024) मध्ये आज (8 एप्रिल) दोन चॅम्पियन संघ आमनेसामने येणार आहेत. स्पर्धेतील 22व्या सामन्यात चॅम्पियन चेन्नई सुपर किंग्जचा (CSK) सामना कोलकाता नाईट रायडर्सशी (KKR) होणार आहे.
हा सामना चेन्नईच्या चेपॉक स्टेडियमवर होणार आहे. गेल्या सामन्यात चेन्नईला पराभवाला सामोरे जावे लागले होते, तर केकेआर संघाने शेवटच्या सामन्यात विजय मिळवला होता. तर आज ऋतुराज गायकवाडचा संघ चेन्नई घरच्या मैदानावरील पराभवाचा सिलसिला संपवू पाहणार आहे. त्याचवेळी श्रेयस अय्यरचा संघ केकेआर चेन्नईच्या घरच्या मैदानावर विजय मिळवण्याचा प्रयत्न करेल.
आयपीएलच्या चालू हंगामात चेन्नई सुपर किंग्ज आणि कोलकाता नाईट रायडर्सचे खेळाडू फॉर्मात आहेत. चेन्नई संघाने 4 पैकी 2 सामने जिंकले आहेत आणि तेवढेच सामने गमावले आहेत. त्याचबरोबर कोलकाता संघाने विजयाची हॅट्रीक केली आहे. संघाने आतापर्यंत 3 सामने खेळले असून तिन्ही सामने जिंकले आहेत. तर आजच्या सामन्यात कोण बाजी मारणार? याकडे सर्वांचेच लक्ष लागले आहे.
