पंतप्रधान नरेंद्र मोदी (PM Narendra Modi) यांनी आज (9 एप्रिल) देशवासियांना हिंदू नववर्ष, गुढीपाडवा, उगादी, चैत्र नवरात्री आणि इतर अनेक सणांच्या शुभेच्छा दिल्या. मोदींनी ‘X’ वरील पोस्टमध्ये म्हटले आहे की, “देशभरातील माझ्या कुटुंबातील सदस्यांना नवीन वर्षाच्या खूप खूप शुभेच्छा. हे नवीन वर्ष सर्वांना आनंदाचे, भरभराटीचे आणि आरोग्याचे जावो अशी माझी इच्छा आहे.”
तर दुसऱ्या एका पोस्टमध्ये पंतप्रधान म्हणाले, “माझ्या देशातील सर्व कुटुंबीयांना चैत्र नवरात्रीच्या शुभेच्छा. शक्तीच्या उपासनेचा हा महान सण सर्वांना सुख, समृद्धी, सौभाग्य आणि आरोग्य घेऊन येवो हीच सदिच्छा. जय माता दी।”
नवरात्रीच्या पहिल्या दिवशी पंतप्रधानांनी माँ शैलपुत्रीच्या चरणी नतमस्तक होऊन नमस्कार केला आणि देशवासियांना शुभेच्छा दिल्या. त्यांनी गुढीपाडवा, उगादी, चेती चंद, नवरेह आणि इतर सणांच्या विविध भाषांमध्ये शुभेच्छाही दिल्या.
