School Bus Accident : हरियाणात (Haryana) एक मोठी घटना घडली आहे. हरियाणातील महेंद्रगडमधील कनिना येथे उनहनी गावाजवळ एक स्कूल बस उलटून मोठा अपघात झाला आहे. या हा अपघात एवढा भीषण होता की यामध्ये 5 मुलांचा मृत्यू झाला आहे, तर 15 जण गंभीर जखमी झाले आहेत. या अपघातानंतर सगळीकडे एकच खळबळ उडाली आहे.
मिळालेल्या माहितीनुसार, बस चालक हा दारूच्या नशेत होता. तर ओव्हरटेक करण्यामुळे हा अपघात झाल्याचे म्हटले जात आहे. या अपघातात गंभीर जखमी झालेल्या मुलांना तातडीनं सिव्हिल हॉस्पिटमध्ये दाखल करण्यात आलं आहे. तसंच या घटनेची माहिती मिळताच पोलीस घटनास्थळी पोहोचले असून ते अधिक तपास करत आहेत.
या घटनेनंतर पोलिसांनी बस चालकाला ताब्यात घेतलं आहे. तसंच आता या बस चालकाला वैद्यकीय उपचारासाठी महेंद्रगड सिव्हिल हॉस्पिटलमध्ये नेण्यात आले आहे.
