भारतीय जनता पक्षाचे जेष्ठ नेते आणि पंतप्रधान नरेंद्र मोदी आज जम्मू-काश्मीरमध्ये एका जाहीर सभेला संबोधित करणार असून लोकसभा निवडणुकीसाठी भरघोस मतांचे आवाहन करणार आहेत.आज ते राजस्थानमध्ये भाजपच्या रोड शोमध्ये सहभागी होणार आहेत. भाजपने आपल्या अधिकृत X हँडलवर पंतप्रधान नरेंद्र मोदी यांचा आजचा निवडणूक कार्यक्रम शेअर केला आहे.
भाजपच्या एक्स हँडलनुसार, पंतप्रधान मोदी जम्मू-काश्मीरच्या उधमपूरमध्ये सकाळी 11 वाजता भारतीय जनता पक्षाच्या जाहीर सभेला संबोधित करतील. यानंतर पंतप्रधान मोदी राजस्थानला पोहोचतील. सर्वप्रथम ते राजस्थानमधील बाडमेर येथे दुपारी 2:15 वाजता जाहीर सभेला संबोधित करतील. यानंतर ते दुपारी ४.४५ वाजता दौसा येथील भाजपच्या रोड रॅलीत सामील होतील.
जम्मू ब्युरोनुसार, भाजपने उधमपूर लोकसभा मतदारसंघातून डॉ जितेंद्र सिंह यांना तिसऱ्यांदा उमेदवारी दिली आहे. डॉ जितेंद्र सिंह मागील दोन लोकसभा निवडणुकीत येथून विजयी झाले होते . जाहीर सभेला दोन लाख लोकांची गर्दी जमवण्याचे लक्ष्य भाजपने ठेवले आहे.
कडेकोट सुरक्षा व्यवस्था ठेवण्यात आली आहे. पोलिस, सीआरपीएफ, एसओजी यांच्या पथकांनी सार्वजनिक सभेचे ठिकाण त्यांच्या सुरक्षा कवचाखाली घेतले आहे. सुरक्षा यंत्रणांनी सार्वजनिक सभेचे ठिकाण पूर्णपणे सील केले आहे. सुरक्षा दलांशिवाय श्वानपथकाचीही मदत घेतली जात आहे. जाहीर सभेच्या ठिकाणासह हेलिपॅड तयार करण्यात आले आहे.
