लोकसभा निवडणुका (Loksabha Election 2024) जवळ आल्याने मतदारांना मतदानाबाबत जागरूक करण्यासाठी भारत निवडणूक आयोग (Election Commission) कोणतीही कसर सोडत नाही. आतापर्यंत शाळा, कम्युनिटी सेंटर, सोसायट्या आदी ठिकाणी मतदानाबाबत जनजागृती मोहीम राबविली जात होती, मात्र 60 फूट पाण्यातून लोकांना आवाहन करण्याची कदाचित ही पहिलीच वेळ आहे. चेन्नईत स्कुबा ड्रायव्हिंग करणारे लोक मतदारांमध्ये जागृती करण्यासाठी पाण्याखाली गेले आहेत.
चेन्नईतील नीलंकराय येथे समुद्राच्या पृष्ठभागावर जाऊन स्कुबा डायव्हर्सनी मतदानाची संपूर्ण प्रक्रिया समजावून सांगितली. निवडणूक आयोगाने याचा एक व्हिडिओही ट्विट केला आहे. व्हिडिओ जारी करताना आयोगाने लिहिले की, “मतदार जागृतीच्या अनोख्या उपक्रमात, चेन्नईतील स्कुबा डायव्हर्सनी साठ फूट पाण्याखाली मतदान प्रक्रिया पार पाडत नीलंकराई येथील समुद्रात डुबकी मारली.”
https://twitter.com/ANI/status/1778604923220787466
19 एप्रिलपासून देशात लोकसभा निवडणुकीला सुरुवात होत आहे. 4 जून 2024 रोजी निकाल जाहीर केला जाईल. 17 व्या लोकसभेचा कार्यकाळ 16 जून रोजी संपणार आहे. देशात लोकसभा निवडणुका एकूण सात टप्प्यात होणार आहेत. पहिला टप्पा 19 एप्रिल, दुसरा टप्पा 26 एप्रिल, तिसरा टप्पा 7 मे, चौथा टप्पा 13 मे, पाचवा टप्पा 20 मे, सहावा टप्पा 18 मे आणि सातवा टप्पा 1 जून रोजी होणार आहे.
लोकसभा निवडणुकीसोबतच ओडिशा, सिक्कीम, अरुणाचल प्रदेश आणि आंध्र प्रदेशमध्ये विधानसभा निवडणुकाही होणार आहेत. अरुणाचल प्रदेश आणि सिक्कीममध्ये 19 एप्रिलला मतदान होणार आहे. तर आंध्र प्रदेशमध्ये 13 मे रोजी मतदान होणार आहे. ओडिशात 13 मे, 20 मे, 25 मे आणि 1 जून रोजी चार टप्प्यांत निवडणुका होणार आहेत.
