आजच्या आयपीएलच्या सामन्यात लखनौ सुपर जायंट्स आणि दिल्ली कॅपिटल्स आमनेसामने येणार आहेत. आजचा सामना लखनौच्या एकाना स्टेडियममध्ये होणार आहे. भारतीय वेळेनुसार आजचा सामना संध्याकाळी ७.३० वाजता सुरु होणार आहे. दिल्ली कॅपिटल्सला आजचा सामना जिंकणे आवश्यक आहे. दिल्ली कॅपिटल्स सध्या गुणतालिकेत शेवटच्या स्थानावर आहे. तर लखनौ सुपर जायंट्स आज सलग चौथा सामना जिंकण्याचा प्रयत्न करणार आहे.
लखनौ संघाचा कर्णधार हा के. एल. राहुल आहे. तर दिल्लीचा कर्णधार रिषभ पंत हा आहे. क्विंटन डी. कॉकने यंदा लीग मध्ये चांगली कामगिरी केली आहे. मात्र राहुल अजूनही कर्णधाराला साजेशी खेळी करू शकलेला नाहीये. लहान खेळीचे रूपांतर त्याला मोठ्या खेळीत करता आलेले नाही. मधल्या फळीमध्ये निकोलस पूर्ण चांगली कामगिरी बजावत आहे.
दिल्ली कॅपिटल्स संघाला अजूनही सूर गवसलेला दिसत नाहीये. रिषभ पंत आणि ट्रिस्टन स्टब्स या दोन फलंदाजानीच आतापर्यंत दिल्लीसाठी सर्वात जास्त धाव केल्या आहेत. आता यापुढील लढती प्रत्येक संघासाठी महत्वाच्या असणार आहेत. कारण गुणतालिकेत जे संघ पहिल्या चार नंबरवर असतील तेच संघ क्वालिफाय होऊ शकणार आहेत. त्यामुळे आता प्रत्येक संघ आपल्या विजयासाठीच मैदानात उतरताना आपल्याला पाहायला मिळेल.
