गेल्या अनेक दिवसांपासून अभिनेता अजय देवगणच्या (Ajay Devgan) ‘मैदान’ (Maidan) या चित्रपटाची जोरदार चर्चा सुरू आहे. हा चित्रपट गुरुवारी (11 एप्रिल) रोजी थिएटरमध्ये प्रदर्शित झाला आहे. तसंच हा चित्रपट प्रदर्शित होताच या चित्रपटाने बॉक्स ऑफिसवर (Box Office) मोठा धुमाकूळ घातला आहे. या चित्रपटाने पहिल्याच दिवशी मोठी कमाई केली आहे.
‘मैदान’ हा चित्रपट भारतीय फुटबॉलच्या इतिहासातील एका सत्य घटनेवर आधारित आहे. हा चित्रपट प्रशिक्षक सय्यद अब्दुल रहीम यांचा बायोपिक आहे. फुटबॉलच्या खेळात भारताला अभिमान वाटावा यासाठी रहीम यांचे समर्पण पाहण्यासारखे आहे. तर आता ‘मैदान’च्या पहिल्या दिवसाच्या कमाईचे आकडेही समोर आले आहेत.
अजय देवगण स्टारर ‘मैदान’ 11 एप्रिलला रिलीज झाला. या चित्रपटाच्या पहिल्या दिवसाच्या कमाईचे आकडे समोर आले आहेत. इंडस्ट्री ट्रॅकर ‘Sacnilc’ नुसार, ‘मैदान’ ने पहिल्या दिवशी एकूण 7.10 कोटी रुपयांचा गल्ला जमवला आहे. तसेच शनिवार आणि रविवारच्या वीकेंडमध्ये चित्रपटाच्या कमाईत आणखी वाढ होऊ शकते.
झी स्टुडिओज, बोनी कपूर, अरुणवा जॉय सेनगुप्ता आणि आकाश चावला निर्मित या चित्रपटाची कथा सविन क्वाद्रस आणि रितेश शाह यांनी लिहिली आहे. तसेच संगीत ए आर रहमान यांचे असून गीत मनोज मुंतशिर शुक्ला यांचे आहेत. या चित्रपटात अभिनेता अजय देवगण, गजराज राव, प्रियामणी मुख्य भूमिकेत आहेत.
