काल शिवसेना उद्धव बाळासाहेब ठाकरे गटाची पालघरमधील बोईसर येथे प्रचार सभा पार पडली. यावेळी उद्धव ठाकरे यांनी भाजपा, पंतप्रधान मोदी आणि त्यांच्या कारभारावर जोरदार टीका केली होती. उद्धव ठाकरे यांनी महाविकास आघाडीच्या लोकसभेच्या उमेदवार भारती कांबडी यांच्यासाठी प्रचार सभा घेतली. यावेळी मोदी सक्करने गेल्या १० वर्षांत काय केले आणि मी अडीच वर्षात काय केले हे एकदा समोरासमोर येऊन जनतेला दाखवून देऊ असे आव्हान त्यांनी दिले. तसेच इतर टीका देखील त्यांनाही केली. या टीकेला आता उपमुख्यमंत्री देवेंद्र फडणवीस यांनी जोरदार प्रत्युत्तर दिले आहे.
उद्धव ठाकरेंचे भाषण मी आज ऐकले. ते म्हणाले की तुमची १० वर्षांत काय केले आणि मी अडीच वर्षात काय केले हे जनतेला सांगण्यासाठी मंचावर या. मात्र अडीच वर्षात उद्धव ठाकरे फक्त फेसबुक लाईव्ह करत होते आणि कोमट पाणी प्या असे सांगत होते. ते एकदासुद्धा राज्याची उपराजधानी नागपूर येथे आले नाहीत. उद्धव ठाकरे तुम्ही आमच्याशी विकासावर चर्चा करू नका. नितीन गडकरी यांनी केलेली विकासकामे सांगितली तर तुम्हाला चार-पाच ग्लास कोमट पाणी प्यायची वेळ येईल. तुम्ही नुसते टोमणे मारत बसा. त्यामुळे तुमाला मते मिळणार नाहीत. मात्र तुमचे समाधान नक्कीच होईल.
