Loksabha Election 2024 : पंतप्रधान नरेंद्र मोदी (PM Narendra Modi) यांनी आज (15 एप्रिल) केरळच्या (Kerala) वायनाडमधून निवडणूक लढवणाऱ्या राहुल गांधींवर (Rahul Gandhi) खरपूस समाचार घेत अप्रत्यक्षपणे टीका केली. “काँग्रेसच्या एका वरिष्ठ नेत्याला उत्तर प्रदेशातील आपल्या कौटुंबिक जागेची इज्जत वाचवणे कठीण झाले आहे आणि त्यांनी केरळमध्ये आपला नवा तळ बनवला आहे. निवडणुका जिंकण्यासाठी काँग्रेसने एका संघटनेच्या राजकीय शाखेशी मागील दरवाजाने करार केला आहे”, असे पंतप्रधान मोदी म्हणाले.
काँग्रेसवर हल्ला चढवत पीएम मोदी म्हणाले, “त्यांनी सहकारी बँक घोटाळ्यात पैसे कसे लुटले याबद्दल ते काही बोलले आहेत का? ते एक शब्दही उच्चारतात का? काँग्रेसचे युवराज केरळच्या लोकांकडून मते मागतील पण तुमच्या प्रश्नांवर एक शब्दही बोलणार नाहीत.”
पंतप्रधान नरेंद्र मोदी यांनी केरळमधील पिनाराई विजयन सरकारवरही निशाणा साधला. ते म्हणाले की, राज्याला पाणीटंचाईची समस्या भेडसावत आहे यावरून राज्य सरकारचे अपयश दिसून येते.
“एनडीए सरकार नारायण गुरूंच्या विचारसरणीवर काम करते. ते गरीब आणि लोकांच्या कल्याणाला प्राधान्य देते. त्यामुळे गेल्या 10 वर्षांत, एनडीए सरकारने केरळमध्ये 36 लाखांहून अधिक घरांना पाइपलाइनद्वारे पाण्याची जोडणी दिली आहे. जल जीवन मिशन मात्र ज्या वेगाने देशात नळपाणी योजना राबवली गेली, ती केरळमधील काही घरांमध्ये भ्रष्टाचाराच्या प्रभावाखाली राबवू देत नाही, हे दुर्दैव आहे”, असे पंतप्रधान मोदी म्हणाले.
डाव्या लोकशाही आघाडी सरकारवर हल्लाबोल करत पीएम मोदी म्हणाले, “भारतातील कोणी राजस्थान किंवा गुजरातमध्ये पाणीटंचाई असल्याचे ऐकले तर ते शक्य आहे असे त्यांना वाटेल. पण केरळमधील पाणीटंचाई हे येथील सरकारच्या अपयशाचे जिवंत उदाहरण आहे. पण, मी तुम्हाला हमी देतो की मला केरळमधील प्रत्येक घरात नळाचे पाणी जोडायचे आहे.”
रविवारी लाँच झालेल्या त्यांच्या पक्षाच्या निवडणूक जाहीरनाम्याबद्दल बोलताना पंतप्रधान मोदी म्हणाले की विकास आणि वारसा या दोन्हींवर लक्ष केंद्रित करून केरळला जागतिक वारसा स्थान बनवण्याचे भाजपचे उद्दिष्ट आहे. “भाजपने पुढील 5 वर्षांसाठी ‘विकास’ आणि ‘विरासत’चे व्हिजन प्रसिद्ध केले आहे. पलक्कडला केरळचे प्रवेशद्वार देखील म्हटले जाते. येथील नैसर्गिक सौंदर्य सर्वांनाच भुरळ घालते. केरळमध्ये येथे अनेक मंदिरे, चर्च आणि श्रद्धास्थळे आहेत. पुढील 5 वर्षांत, आम्ही केरळला हायवे एक्स्प्रेसवे आणि हाय-स्पीड वंदे भारत ट्रेन्सच्या नेटवर्कने जोडणार आहोत,” असे पंतप्रधान म्हणाले.
