लोकसभा निवडणुकीच्या तोंडावर भारतीय जनता पार्टीने आपल्या उमेदवारांची १२ वी यादी जाहीर केली आहे. भाजपने महाराष्ट्र, पंजाब, उत्तर प्रदेश आणि पश्चिम बंगालमधील आपल्या उमेदवारांची नावे जाहीर केली आहेत. भाजपने आपल्या १२ यादीत महाराष्ट्रातील १, पंजाबमधील ३, उत्तर प्रदेशातील २ आणि पश्चिम बंगालमधील १ जागेसाठी आपले उमेदवार जाहीर केले आहेत.
याआधी देखील भारतीय जनता पार्टीने ११ याद्यांच्या मार्फत आपले उमेदवार जाहीर केले आहेत. भाजपच्या केंद्रीय निवडणूक समितीने अनेक विद्यमान खासदारांचे तिकीट कापले असून, अनेक नव्या चेहऱ्यांना संधी देण्यात आली आहे. मेरठमधून अरुण गोविल, सोलापूरमधून राम सातपुते अशी अनेक उदाहरणे आहेत. अशा नवीन चेहऱ्यांना तिकीट देण्यात आले आहेत.
