DC Vs GT : आयपीलच्या (IPL 2024) 32 व्या सामन्यात दिल्ली कॅपिटल्सचा (DC) गुजरात टायटन्सशी (GT) सामना झाला. हा सामना अहमदाबादच्या नरेंद्र मोदी क्रिकेट स्टेडियमवर खेळला गेला. तर या सामन्यात
दिल्ली कॅपिटल्सने गुजरात टायटन्सचा 6 विकेट्सने दारूण पराभव केला. प्रथम फलंदाजी करताना गुजरातचा संघ पूर्ण 20 षटकेही खेळू शकला नाही आणि 18 षटकांत केवळ 89 धावा करत सर्वबाद झाला.
गुजरात संघाकडून राशिदने सर्वाधिक 21 धावा केल्या. तर दिल्ली कॅपिटल्स संघाकडून मुकेश कुमारने 3 बळी घेतले. प्रत्युत्तरात फलंदाजांच्या छोट्या पण वेगवान खेळीच्या जोरावर दिल्लीने हे लक्ष्य 9व्या षटकात पूर्ण केले. दिल्ली कॅपिटल्सच्या या विजयात मुकेश कुमारने 3 बळी घेत गुजरात टायटन्सच्या फलंदाजांचे कंबरडे मोडले. तसेच इशांत शर्मा आणि ट्रिस्टन स्टब्सने 2-2 बळी घेतले.
सलामीवीर जेक फ्रेझरनेही दिल्लीच्या विजयात मोलाचा वाटा उचलला, ज्याने 20 धावांची तुफानी इनिंग खेळून दिल्लीला शानदार सुरुवात करून दिली. त्यानंतर अभिषेक पोरेल आणि शाई होपने षटकार ठोकत सामना एकतर्फी केला. शेवटी, कर्णधार ऋषभ पंत हा विजयाचा खरा हिरो ठरला, त्याने 16 धावा केल्या.
