Suniel Shetty : आज (18 एप्रिल) स्टार क्रिकेटर केएल राहुल (KL Rahul) याचा वाढदिवस आहे. त्यामुळे या खास दिवशी केएल राहुलला अनेक खेळाडूंनी, सेलिब्रिटींना आणि त्याच्या चाहत्यांनी सोशल मीडियाच्या माध्यमातून वाढदिवसाच्या शुभेच्छा दिल्या आहेत. यामध्ये आता अभिनेता सुनील शेट्टीनं (Suniel Shetty) देखील केएल राहुलला हटके पोस्ट शेअर करत खास शुभेच्छा दिल्या आहेत. (KL Rahul Birthday)
सुनील शेट्टीने आपला जावई केएल राहुलच्या वाढदिवसानिमित्त सोशल मीडियावर खास पोस्ट शेअर केली आहे. या पोस्टमध्ये सुनील शेट्टीनं केएल राहुलसोबतच एक हटके फोटो पोस्ट केला आहे. ज्यामध्ये सुनील शेट्टी, त्याचा मुलगा अहान शेट्टी आणि जावई केअल राहुल हे तिघे एका सोफ्यावर बसलेले दिसत आहेत.
हा फोटो शेअर करत सुनील शेट्टीने कॅप्शनमध्ये म्हटले आहे की, “आपल्या आयुष्यात काय आहे ते नाही तर आपल्या आयुष्यात कोण आहे हे महत्त्वाचे आहे. आम्हाला धन्यता वाटते कारण तू आमच्या कुटुंबात आहेस. हे एक कनेक्शन आहे जे सांगण्यापलिकडे आहे. वाढदिवसाच्या खुप शुभेच्छा राहुल, लव्ह यू बेटा.”
https://www.instagram.com/p/C54jPxQhMyv/?utm_source=ig_web_copy_link
सुनील शेट्टीने शेअर केलेल्या पोस्टने सध्या सर्वांचेच लक्ष वेधले आहे. त्याच्या या पोस्टवर चाहत्यांनी लाईक्सचा वर्षाव केला असून मोठ्या प्रमाणात कमेंट्स केल्या आहेत. दरम्यान, सुनील शेट्टीची मुलगी, अभिनेत्री आथिया शेट्टी आणि केएल राहुल यांनी 23 जानेवारी 2023 रोजी लग्न केले होते. तसेच त्यांच्या लग्नाचे खास फोटो आणि व्हिडीओ सोशल मीडियावर व्हायरल झाले होते.
