Loksabha Election 2024 : लोकशाहीच्या उत्सवाला आजपासून सुरुवात झाली आहे. लोकसभा निवडणुकीसाठी पहिल्या टप्प्यातील मतदानाला सुरुवात झाली आहे. देशातील 102 जागांवर आज मतदान होत आहे. महाराष्ट्रात देखील 5 जागांवर आज मतदान सुरु आहे. पूर्व विदर्भातील मतदारांचे भवितव्य आज मतपेटीत बंद होणार आहे. त्याचा फैसला 4 जून रोजी होणार आहे. राज्यात गडचिरोली-चिमूर, रामटेक, नागपूर, चंद्रपूर , भंडारा गोंदिया या मतदारसंघात मतदान होत आहे.
आज पहिल्या टप्प्यातील मतदानाला सुरूवात झाली आहे. यामध्ये अनेक नेत्यांनी, सेलिब्रिटींनी आपला मतदानाचा हक्क बजावला आहे. यामध्ये साऊथचे सुपरस्टार रजनीकांत (Rajinikanth) यांनी देखील मतदानाचा हक्क बजावला आहे.
रजनीकांत यांनी चेन्नई, तामिळनाडू येथील मतदान केंद्रावर जाऊन मतदान केले आहे. मतदानाचा हक्क बजावल्यानंतर रजनीकांत यांनी बोटावर शाईचे चिन्ह दाखवून लोकांना मतदान करण्यासाठी प्रेरित केले आहे.
