Loksabha Election 2024 : आजपासून लोकसभा निवडणुकीसाठी पहिल्या टप्प्यातील मतदानाला सुरुवात झाली आहे. देशातील 102 जागांवर आज मतदान होत आहे. महाराष्ट्रात देखील 5 जागांवर आज मतदान सुरु आहे. पूर्व विदर्भातील मतदारांचे भवितव्य आज मतपेटीत बंद होणार आहे. त्याचा फैसला 4 जून रोजी होणार आहे. राज्यात गडचिरोली-चिमूर, रामटेक, नागपूर, चंद्रपूर , भंडारा गोंदिया या मतदारसंघात मतदान होत आहे.
आज अनेक नेत्यांनी, सेलिब्रिटींनी आपला मतदानाचा हक्क बजावत त्यांनी जनतेला मतदान करण्याचं आवाहन केलं आहे. तर यामध्ये सद्गुरू जग्गी वासुदेव यांनी मतदानाचा हक्क बजावला आहे.
काही दिवसांपू्र्वीच सद्गुरू जग्गी वासुदेव यांच्या मेंदूवर शस्त्रक्रिया करण्यात आली होती. तर आज कोईम्बतूर येथे लोकसभा निवडणुकीच्या पहिल्या टप्प्यासाठी सद्गुरू जग्गी वासुदेव यांनी मतदान करत जनतेला प्ररित केलं आहे.
