Loksabha Election 2024 : आजपासून (19 एप्रिल) लोकसभा निवडणुकीसाठी (Loksabha Election) पहिल्या टप्प्यातील मतदानाला सुरुवात झाली आहे. देशातील 102 जागांवर आज मतदान होत आहे. महाराष्ट्रात देखील 5 जागांवर आज मतदान सुरु आहे. पूर्व विदर्भातील मतदारांचे भवितव्य आज मतपेटीत बंद होणार आहे. त्याचा फैसला 4 जून रोजी होणार आहे. राज्यात गडचिरोली-चिमूर, रामटेक, नागपूर, चंद्रपूर , भंडारा गोंदिया या मतदारसंघात मतदान होत आहे.
एकिकडे राज्यात मतदान सुरू असताना दुसरीकडे चंद्रपूरच्या (Chandrapur) मतदान केंद्रावर मोठा गोंधळ निर्माण झाला आहे. काँग्रेसच्या (Congress) कार्यकर्त्यांनी चंद्रपूरच्या मतदान केंद्रावर राडा घातला आहे. हिंदी सिटी हायस्कुल केंद्रावर काँग्रेस कार्यकर्त्यांनी राडा घातला.
प्रतिभा धानोरक यांच्या नावापुढे फुलीचा शिक्का मारल्यामुळे काँग्रेस कार्यकर्त्यांनी राडा घालण्यास सुरूवात केली. यावेळी कार्यकर्त्यांनी सुधीर मुनगंटीवार यांच्या विरोधातही जोरदार घोषणाबाजी केली. त्यामुळे चंद्रपूर मतदान केंद्रावर मोठा गोंधळ निर्माण झाला.
