Sanjay Kadam Car Accident : नुकतीच मोठी बातमी समोर आली आहे. शिवसेना ठाकरे गटाचे रायगड लोकसभा मतदारसंघ समन्वयक संजय कदम (Sanjay Kadam) यांच्या कारचा भीषण अपघात (Accident) झाला आहे. एका आयशर ट्रकने कारला मागून जोरदार धडक दिल्याने हा अपघात झाला आहे. सुदैवाने या अपघातात कोणतीही जीवितहानी झालेली नाही.
मिळालेल्या माहितीनुसार, मुंबई कुर्ला मार्गावरून जात असताना संजय कदम यांच्या कारला आयशर ट्रकने मागून जोरदार धडक दिली. या अपघातात कारच्या मागच्या बाजूचा चुराडा झाला आहे. मात्र, सुदैवाने संजय कदम आणि कारमधील अन्य व्यक्ती सुखरूप आहेत.
या अपघाताची माहिती मिळताच पोलिसांनी तातडीनं घटनास्थळी धाव घेतली. तसंच पोलिसांनी आयशर ट्रक चालकाला ताब्यात घेतले आहे. पोलिसांनी दिलेल्या माहितीनुसार, रायगड जिल्ह्यातील रोहा येथून संजय कदम प्रचार सभा आटोपून मुंबईला परत जात होते. त्यावेळी प्रवासादरम्यान त्यांच्या कारचा भीषण अपघात झाला. या अपघातात त्यांच्या गाडीचे मोठ्या प्रमाणात नुकसान झाले आहे.
