आज दहशतवादी कारवायांशी संबंधित एका प्रकरणात जम्मू आणि काश्मीरमधील श्रीनगरमधील नऊ ठिकाणी राष्ट्रीय तपास संस्था अर्थात एनआयएने छापेमारी सुरु केली आहे. 2022 मधल्या खटल्याचा एक भाग म्हणून दहशतवादाशी संबंधित व्यक्तींशी संबंधित असलेल्या विविध ठिकाणांवर सुरक्षा दलांच्या सहकार्याने आज सकाळी छापे टाकले जात आहेत. श्रीनगरमध्ये राहणाऱ्या काही संशयितांबाबत मिळालेल्या विशिष्ट माहितीच्या आधारे, एनआयएने शोध सुरू केला आहे. .
कोकरनाग (जम्मू आणि काश्मीर) चकमक प्रकरणातील दोन आरोपींवर एनआयएने आरोपपत्र दाखल केल्यानंतर जवळपास महिनाभर शोध मोहीम राबवण्यात आली होती. .या प्रकरणातील संशयित लष्कर-ए-तैयबा (एलईटी) ची शाखा असलेल्या द रेझिस्टंट फ्रंट (TRF) शी संबंधित आहेत, असे सूत्रांनी सांगितले.
एलईटी) आणि द रेझिस्टंट फ्रंट या दोन्ही प्रतिबंधित संघटना आहेत आणि ‘जिहाद’च्या नावाखाली काश्मिरी तरुणांना दहशतवादी संघटनांमध्ये सामील होण्यासाठी सतत भडकावण्यात आणि प्रवृत्त करण्यात त्यांचा सहभाग असतो. या दोन्ही संघटना ट्विटर, टेलिग्राम आणि यूट्यूब चॅनेल यांसारख्या सोशल मीडिया प्लॅटफॉर्मवर त्यांच्या हेतूचा प्रचार करण्यासाठी आणि बेरोजगार तरुणांना दहशतवादी कारवाया करण्यासाठी प्रलोभन देऊन सहभागी करून घेतात.तसेच यातील पाकिस्तानस्थित कार्यकर्ते दहशतवादाला प्रोत्साहन देण्यासाठी सोशल मीडिया प्लॅटफॉर्म वापरत होते आणि काश्मीर खोऱ्यातील त्यांच्या कार्यकर्त्यांना आणि कार्यकर्त्यांना शस्त्रे/गोलागोळा, स्फोटके, अंमली पदार्थ इत्यादी पोहोचवण्यासाठी ड्रोनचा वापर करत होते.अशीही माहिती पुढे आली आहे.
हिजब-उल-मुजाहिदीन (HM), अल-बद्र, अल-कायदा यासह द रेझिस्टन्स फ्रंट (TRF), युनायटेड लिबरेशन फ्रंट जम्मू अँड काश्मीर (ULFJ&K), मुजाहिदीन गजवत-उल-हिंद (MGH), जम्मू आणि काश्मीर फ्रीडम फायटर्स JKFF),, काश्मीर टायगर्स, यासह नव्याने स्थापन झालेल्या संघटनांचाही तपास करण्यात येत आहे.
