Harbhajan Singh : गेल्या काही वर्षांमध्ये टीम इंडियाने क्रिकेटमध्ये चांगली कामगिरी केली आहे. याचे बरेचसे श्रेय कर्णधार रोहित शर्माच्या (Rohit Sharma) नेतृत्वाला जाते. रोहित शर्माच्या नेतृत्वाखाली त्याने टीम इंडियाला 2022 टी-20 विश्वचषक, जागतिक कसोटी चॅम्पियनशिप आणि आयसीसी एकदिवसीय विश्वचषक स्पर्धेच्या अंतिम फेरीत नेले आहे. तर आगामी ICC T20 विश्वचषक 2024 मध्ये देखील संघाची कमान रोहित शर्माच्या हाती असणार आहे.
आयपीएल 2024 संपल्यानंतर सर्व भारतीय क्रिकेटपटू राष्ट्रीय कर्तव्यावर जातील. 1 जूनपासून आयसीसी टी-20 विश्वचषक 2024 सुरू होत आहे. यासाठी टीम इंडियाचा संघ अद्याप जाहीर झालेला नाही. कर्णधाराची घोषणा आधीच झाली असली तरी रोहित शर्मा संघाची कमान सांभाळणार आहे.
भारताचा माजी क्रिकेटपटू हरभजन सिंगनेही (Harbhajan Singh) त्यात संजू सॅमसनचा (Sanju Samson) समावेश करण्याची शिफारस केली आहे. हरभजन सिंगने या 29 वर्षीय क्रिकेटपटू संजू सॅमसनचे भारतीय संघाचा T20 फॉरमॅटचा पुढचा कर्णधार म्हणूनही वर्णन केले आहे.
काल त्याच्या अधिकृत ट्विटर हँडलवर हरभजन सिंग म्हणाला, ‘संजू सॅमसनचा T20 विश्वचषकासाठी भारतीय संघात समावेश करण्यात यावा आणि त्याला रोहितनंतर भारताचा पुढचा T20 कर्णधार म्हणूनही तयार केले जावे. काही शंका???’
इंजर आपण पॉइंट टेबलवर नजर टाकली तर राजस्थान रॉयल्स संघ 8 सामन्यांत 7 विजय आणि एक पराभवासह एकूण 14 गुणांसह गुणतालिकेत अव्वल स्थानावर आहे. याचे श्रेय बऱ्याच अंशी कर्णधार संजू सॅमसनला जाते, ज्याने या संघाचे मोठ्या कौशल्याने नेतृत्व केले आहे. यामुळेच रोहित शर्मानंतर हरभजन सिंगने त्याला भारताचा कर्णधार बनण्यास सांगितले आहे.
