Maharashtra Weather Update : सध्या राज्यातील अनेक भागात उन्हाच्या तडाख्याने लोकांना हैराण केले आहे. एकिकडे कडक ऊन असताना दुसरीकडे काही भागात अवकाळी पावसाचा फटका बसताना दिसत आहे. राज्यातील अनेक भागांमध्ये अवकाळी पावसाने जोरदार हजेरी लावली आहे. तर आता पुढील दोन दिवसात पुन्हा एकदा अवकाळी पाऊस होण्याची शक्यता हवामान विभागाने वर्तवली आहे. त्यामुळे शेतकऱ्यांच्या चिंतेत वाढ झाली आहे.
पुढील तीन दिवस पुणे शहरात विजांच्या कडकडाटासह पावसाचा इशारा हवामान विभागानं दिला आहे. पुण्यासह राज्यातील अनेक भागांमध्ये वादळीवारे, विजांच्या कडकडाटासह पावसाच्या सरी पडतील, असा यलो अलर्ट हवामान खात्यानं दिला आहे.
पुण्यासह मध्य माहाराष्ट्र, मराठवाडा विदर्भ, सातारा, सांगली, नगर, बीड, धाराशिव, परभणी, लातूर, हिंगोली, यवतमाळ, गोंदिया, चंद्रपूर, गडचिरोली या भागांमध्ये वीज, वादळी वाऱ्यांसह पावसाचा इशारा हवामान विभागाने दिला आहे.
