Preity Zinta : अभिनेत्री प्रिती झिंटा (Preity Zinta) ही प्रसिद्ध अभिनेत्रींपैकी एक आहे. प्रिती झिंटाने 90 आणि 2000 च्या दशकात अनेक सुपरहिट चित्रपट देत प्रेक्षकांच्या मनावर अधिराज्य गाजवलं आहे. त्यामुळे प्रिती झिंटा चांगलीच लोकप्रिय आहे. पण काही काळानंतर प्रिती चित्रपटसृष्टीपासून दूर गेली होती. त्यामुळे तिच्या चाहत्यांमध्ये नाराजीचे वातवरण होते. पण आता तिच्या चाहत्यांसाठी आनंदाची बातमी आहे. कारण तब्बल सहा वर्षांनंतर प्रिती झिंटा बॉलिवूडमध्ये पदार्पण करत आहे.
प्रिती झिंटा एका नवीन चित्रपटातून बॉलिवूडमध्ये (Bollywood) कमबॅक करत आहेत. नुकतीच तिने याबाबतची एक पोस्ट सोशल मीडियावर शेअर केली आहे. या पोस्टमध्ये प्रितीने तिच्या चित्रपटाच्या सेटवरील फोटो शेअर केले आहेत.
प्रिती ‘लाहोर 1947’ (Lahore 1947) या चित्रपटात काम करत आहे. तर तिने या चित्रपटाच्या सेटवरील काही फोटोज शेअर केले आहेत. या फोटोंमध्ये ती तिच्या चित्रपटाच्या टीमसोबत दिसत आहे. हे फोटो शेअर करत प्रितीने “‘लाहोर 1947’च्या सेटवर”, असे कॅप्शन दिले आहे.
https://www.instagram.com/p/C6HPW_oLXmm/?utm_source=ig_web_copy_link
‘लाहोर 1947’ या चित्रपटाचे दिग्दर्शन दिग्दर्शक राजकुमार संतोषी करणार आहेत. तर आता या चित्रपटाच्या शूटिंगला सुरूवात झाली आहे. प्रिती झिंटाचा हा चित्रपट 1947 साली झालेल्या फाळणीवर आधारित आहे. तर या चित्रपटात प्रितीची भूमिका काय असणार हे जाणून घेण्यास तिचे चाहते उत्सुक झाले आहेत.
