केनियामध्ये अतिवृष्टीमुळे 38 हून अधिक लोकांचा मृत्यू झाला झाला असून पूर परिस्थिती आपत्कालीन स्थितीतून आपत्तीच्या पातळीवर जात असल्याचे लक्षात आले आहे. आफ्रिकन देशात मुसळधार पावसामुळे सामान्य व्यवसायही विस्कळीत झाला आहे.आणि त्यामुळे मालमत्तेचे नुकसान झाले, असे सिन्हुआने वृत्त दिले आहे.
केनियाची राजधानी नैरोबी येथील मथरे झोपडपट्टीत बुधवारी रात्रभर पडलेल्या पावसामुळे किमान एकाचा मृत्यू झाला असून सहा जण बेपत्ता आहेत.तर काहीजण पुरामुळे घरातच अडकून पडले आहेत. वादळाचे पाणी रस्त्यावर साचल्याने काही भागांचा शहरापासून संपर्क तुटला होता. राजधानीच्या दक्षिणेला असलेल्या किटेंगेला येथील मुख्य पुलावर अथी नदीला पूर आला असून हजारो व्यापारी आणि कार्यालयीन कर्मचारी अडकून पडले आहेत.
मध्य केनियातील किरिनयागा काउंटीमध्ये, थिबा नदीने तिचे किनारे फुटल्याने आणि त्यांच्या घरे आणि व्यवसायांना पूर आल्याने मंगळवारी 60 हून अधिक कुटुंबे बेघर झाली असल्याचे वृत्त समोर आले आहे. मुसळधार पावसामुळे देशभरातील किमान 23 काउन्टी प्रभावित झाल्या आहेत आणि 110,000 हून अधिक लोक बेघर झाले आहेत.तसेच 27,716 एकर (सुमारे 112 चौरस किलोमीटर) पेक्षा जास्त पीक नष्ट झाले आहे आणि सुमारे 5,000 गुरे बेपत्ता आहेत.
केआरसीएसच्या आपत्ती ऑपरेशन्सचे प्रमुख वेनंत न्धिगीला म्हणाले, “पूर परिस्थिती ही एक आपत्ती आहे. सर्वात जास्त बाधित ते लोक आहेत ज्यांना पर्याय नाही. आम्ही आमच्या कार्यसंघांसोबत जोखीम असलेल्या लोकसंख्येचा नकाशा तयार करण्याचा प्रयत्न करत आहोत.”
केनिया हवामान विभागाच्या सांगण्यानुसार, केनियामध्ये अभूतपूर्व मुसळधार पाऊस पडला आहे, काही भागात एका दिवसात 200 मिमी पर्यंत पाऊस पडला आहे. पावसानंतर, संस्थेने चेतावणी दिलीहोती की पावसामुळे देशभरात पूर येईल, सखल भागात आणि पूरप्रवण भागातील रहिवाशांना उंच जमिनीवर जाण्याचा सल्ला देण्यात आला.
काउन्टी आणि राष्ट्रीय सरकार या दोन्ही स्तरावरील केनियाच्या अधिकाऱ्यांनी पूरग्रस्त भागातील रहिवाशांना उंच जमिनीवर जाण्याचे निर्देश दिले आहेत.
अंतर्गत आणि राष्ट्रीय प्रशासनाचे कॅबिनेट सचिव किंडिकी किथुरे यांनी पूर्वेकडील मासिंगा आणि मध्य प्रदेशातील थिबा या धरणांजवळ राहणाऱ्या रहिवाशांना स्थलांतर करण्यास सांगितले.
“पुढील कोणत्याही पर्जन्यवृष्टीमुळे गळती होण्याची शक्यता आहे, वस्त्यांमध्ये पूरपरिणाम होण्याची शक्यता आहे,”असे किथुरे यांनी निवेदनात म्हटले आहे.
