आयपीएलच्या १७ व्या हंगामात रॉयल चॅलेन्जर्स बंगलोर आणि सनरायझर्स हैद्राबाद यांच्यात सामना होणार आहे. पॅट कमिन्स यांच्या नेतृत्वात हैदराबादचा संघ दमदार खेळी करताना दिसत आहे. फलंदाजी आणि गोलंदाजी, क्षेत्ररक्षण या तीनही आघाड्यांमध्ये हैदराबादचा संघ आघाडीवर आहे. तर दुसऱ्या बाजूला रॉयल चॅलेंजर्स बंगलोर संघाची अवस्था दयनीय झाली आहे. एकूण सामन्यांपैकी बंगलोरच्या संघ केवळ १ च सामना जिंकू शकला आहे.
सनरायझर्स हैद्राबादच्या संघाने आतापर्यंत चार वेळा दोनशेच्या वर तर तीन वेळा २५० पेक्षा जास्त धावसंख्या उभारली आहे. त्यामुळे या संघाने प्रतिस्पर्धी संघाना एक प्रकारचा इशाराच दिला आहे. त्यामुळे गोलंदाजी करताना इतर संघाच्या गोलंदाजांना सावध राहावे लागणार आहे. रॉयल चॅलेंजर्स बंगलोरला आजचा सामना जिंकण्याशिवाय पर्याय नाही. प्लेऑफच्या अशा जिवंत ठेवायच्या असल्यास आजचा व पुढील सामने जिंकावे लागणार आहेत.
