Patna Fire : आज (25 एप्रिल) पाटण्यात (Patna) एक मोठी दुर्घटना घडली आहे. पाटण्यातील एका हॉटेलला भीषण आग (Fire) लागल्याची घटना घडली आहे. या घटनेत सहा जणांचा मृत्यू झाला असून सातजण गंभीर जखमी झाले आहेत. तर सध्या जखमींना रूग्णालयात दाखल करण्यात आले असून त्यांच्यावर उपचार सुरू आहेत.
पाटणा स्टेशनच्या जवळ असलेल्या पाल हॉटेल आणि रेस्टॉरंटला आग लागली. या आगीत हॉटेलमधील सिलिंडर देखील फुटले, त्यामुळे ही आग आणखी वाढली. या आगती सहा जणांचा होरपळून मृत्यू झाला. मृतांमध्ये तीन महिला आणि तीन पुरूषांचा समावेश आहे.
हॉटेलला लागलेल्या या आगीनंतर 45 लोकांना सुखरूपपणे बाहेर काढण्यात आले आहे. यातील 38 लोकांवर पाटणा येथील पीएमसीएच येथे उपचार सुरू आहेत. तर हॉटेलला आग लागल्यानंतर अग्निशमन दलाच्या गाड्या तातडीनं घटनास्थळी दाखल झाल्या असून सध्या आगीवर नियंत्रण मिळवण्यासाठी प्रयत्न सुरू आहेत.
