आज होणाऱ्या लोकसभा निवडणुकीच्या दुसऱ्या टप्प्यासाठी , बंगळुरू ग्रामीण मतदारसंघातील रामनगर जिल्ह्यात महिला मतदारांसाठी गुलाबी रंगाच्या बूथचे मॉडेल तयार करण्यात आले आहे, जे सुशोभित केलेले असून या थीमवर आधारित इथे फुगे, बॅनर आणि गुलाबी रंगाच्या खुर्च्या बघायला मिळत आहे. हे महिला मतदारांना मतदानासाठी प्रोत्साहित करेल हा त्यामागचा हेतू आहे.
कर्नाटकात 18व्या लोकसभेच्या 28 जागांसाठी दुसऱ्या आणि तिसऱ्या टप्प्यात अनुक्रमे आज आणि 7 मे रोजी मतदान होणार आहे. कर्नाटकचे माजी मुख्यमंत्री आणि जेडीएस पक्षाचे नेते एचडी कुमारस्वामी, अनिता कुमारस्वामी आणि निखिल कुमारस्वामी येथे मतदान करणार आहेत.
543 सदस्यांच्या संसदेत 28 जागांचा वाटा असलेल्या कर्नाटकात शुक्रवारी दोन टप्प्यात मतदान होणार असून त्यात 14 जागांवर शुक्रवारी मतदान होणार आहे – यामध्ये उडुपी चिकमंगळूर, हसन, दक्षिण कन्नड, चित्रदुर्ग, तुमकूर, मंड्या, म्हैसूर, चामराजनगर, बंगळुरू, आर. , बंगलोर उत्तर, बंगलोर सेंट्रल, बंगलोर दक्षिण, चिकबल्लापूर, कोलार.यांचा समावेश आहे.
कर्नाटकात 2019 च्या निवडणुकीत भाजपला 28 जागांपैकी 25 जागा मिळाल्या होत्या . यावेळी, भाजप 25 जागांवर निवडणूक लढवत आहे, तर त्याचा राज्य सहकारी जेडीएस उर्वरित 3 जागांसाठी लढत आहे. जेडीएसने लढवलेले तीन मतदारसंघ हे दुसऱ्या टप्प्यातील हसन, मंड्या आणि कोलारचे आहेत.
