भारतीय निवडणूक आयोगाने आज जाहीर केलेल्या आकडेवारीनुसार, त्रिपुरा मतदानाच्या टक्केवारीत आघाडीवर आहे कारण दुपारी 3 वाजेपर्यंत राज्यात 68.92 टक्के मतदान झाले. यासोबतच मणिपूर (68.48 टक्के), छत्तीसगड (63.92 टक्के), पश्चिम बंगाल (60.60 टक्के) आणि आसाम (60.32 टक्के) या राज्यांमध्ये जास्त मतदान झाले आहे.
लोकसभा निवडणुकीच्या दुसऱ्या टप्प्यात दुपारी 3 वाजेपर्यंत 43.01 टक्क्यांसह महाराष्ट्रात सर्वात कमी मतदान झाले आहे.
निवडणूक आयोगाच्या आकडेवारीनुसार, बिहारमध्ये 44.24 टक्के, जम्मू-काश्मीर (57.76 टक्के), कर्नाटक (50.93 टक्के), केरळ (51.64 टक्के), मध्य प्रदेश (46.68 टक्के), राजस्थान (46.68 टक्के), राजस्थान (50.27 टक्के), उत्तर प्रदेश (44.13 टक्के) मतदान झाले आहे.
तर दुसरीकडे, निवडणूक आयोगाने जारी केलेल्या आकडेवारीनुसार, राज्यातील सहा लोकसभा जागांसाठी दुसऱ्या टप्प्यातील मतदानात दुपारी 3 वाजेपर्यंत मध्य प्रदेशात 46.50 टक्के मतदान झाले आहे.
राज्यातील टिकमगड (SC), दमोह, खजुराहो, सतना, रीवा आणि होशंगाबाद या सहा लोकसभा जागांसाठी आज सकाळी 7 वाजता मतदानाला सुरुवात झाली. यापैकी, होशंगाबाद 55.79 टक्के मतदानासह आघाडीवर आहे, त्यानंतर टीकमगड 48.76 टक्के, सतना 47.68 टक्के, खजुराहो 43.89 टक्के दामोह 45.69 टक्के आणि रेवा येथे 37.53 टक्के मतदान झाले आहे.
