KKR vs DC : फिल सॉल्टच्या शानदार अर्धशतकाच्या जोरावर कोलकाता नाईट रायडर्सने दिल्ली कॅपिटल्सचा एकतर्फी सामन्यात पराभव केला. ईडन गार्डन्सवर नाणेफेक जिंकून प्रथम फलंदाजी करताना दिल्ली कॅपिटल्सला नऊ गडी गमावून केवळ 153 धावा करता आल्या. नंतर कोलकाताने हे लक्ष्य 21 चेंडूत सात विकेट्स राखून पूर्ण केले. कर्णधार श्रेयस अय्यर 23 चेंडूत 33 धावा करून नाबाद माघारी परतला तर व्यंकटेश अय्यर 23 चेंडूत 26 धावा करून नाबाद माघारी परतला. कोलकाताच्या विजयाचे श्रेय त्याच्या गोलंदाजांना जाते.
या विजयासह कोलकाता नाईट रायडर्सने दोन महत्त्वाचे गुण मिळवले. आता केकेआरचे नऊ सामन्यांत सहा विजयांसह 12 गुण आहेत. अशा स्थितीत उर्वरित पाच सामन्यांतील दोन विजयही त्यांना प्लेऑफचे तिकीट मिळवून देणार आहेत. कोलकात्याची स्थिती इतर संघांच्या तुलनेत खूपच चांगली आहे. दुसरीकडे, दिल्ली कॅपिटल्स 11 सामन्यांत सहाव्या पराभवासह 10 गुणांवर अडकली आहे.
प्रत्येक सामन्याप्रमाणेच शानदार फॉर्मात असलेला इंग्लिश सलामीवीर फिल सॉल्टने या सामन्यातही केकेआरला दमदार सुरुवात करून दिली. सुनिनच्या साथीने नरेनने 6.1 षटकात 79 धावा जोडल्या. गोलंदाजीत अवघ्या 24 धावांत एक विकेट घेणारा सुनील नरेन या सामन्यात 10 चेंडूत 15 धावा करून बाद झाला असला तरी फिल सॉल्टचा धडाका सुरूच होता. सॉल्टने मोसमातील चौथे अर्धशतक झळकावले. अवघ्या 33 चेंडूत 68 धावा करून तो बाद झाला. अक्षर पटेलने त्याला नवव्या षटकात क्लीन बोल्ड केले, पण तोपर्यंत केकेआरची धावसंख्या 96 धावांवर होती.
