Sonu Sood : बॉलिवूड अभिनेता सोनू सूद (Sonu Sood) हा लोकप्रिय अभिनेत्यांपैकी एक आहे. सोनू सूदला देशभरात खूप पसंत केले जाते. कारण त्याने उत्कृष्ट अभिनयासोबतच त्याच्या सामाजिक कार्याने लोकांच्या मनात अविस्मरणीय स्थान निर्माण केले आहे.
सोनू सूदने कोरोनाच्या काळात अनेक निराधारांना मदत केली आहे. तो आपल्या सोशल मीडिया अकाऊंटद्वारे सतत लोकांशी जोडलेला असतो. त्याच्या प्रेमळ आणि मदतनीस स्वभावामुळे त्याचा चाहता वर्ग मोठ्या संख्येत आहे. त्यामुळे सोनू सुदची एक झलक पाहण्यासाठी त्याचे चाहते नेहमी आतुर असतात. तर अलीकडेच त्याला भेटण्यासाठी एका चाहत्याने दिल्ली ते मुंबई 1500 किलोमीटर धाव घेतली.
आत्तापर्यंत आपण चाहत्यांच्या संबंधित अनेक चकीत करणाऱ्या बातम्या वाचल्या आहेत. अलीकडेच अभिनेता सोनू सूदच्या एका चाहत्यानेही असेच काहीसे केले आहे जे वाचून तुम्हाला धक्का बसेल. सोशल मीडियावर शेअर केलेल्या पोस्टनुसार, महेश नावाच्या एका चाहत्याने सोनू सुदला भेटण्यासाठी 1500 किमीचा धावून प्रवास केला आहे. महेशने दिल्लीतील इंडिया गेट ते मुंबईतील गेटवे ऑफ इंडियापर्यंत धावत अंतर कापले आहे.
भेटण्यासाठी धावत आलेल्या या चाहत्याला पाहून सोनू सूद देखील चकीत झाला होता. सोनू सूदनेही त्याच्या या चाहत्याला निराश केले नाही. तो त्याच्या चाहत्याला भेटला. तर सध्या या क्रेझी फॅन आणि सोनू सूदचे फोटो सोशल मीडियावर चांगलेच व्हायरल होत आहेत. यामध्ये सोनू त्याच्या फॅनसोबत पोज देताना दिसत आहे.
दरम्यान, सोनू सुदच्या वर्क फ्रंटबद्दल बोलायचे झाले तर तो लवकरच सायबर क्राईमशी संबंधित एका थ्रिलर चित्रपटात पडद्यावर दिसणार आहे. ‘फतेह’ असे या चित्रपटाचे नाव आहे. या चित्रपटात त्याच्यासोबत अभिनेत्री जॅकलिन फर्नांडिसही दिसणार आहे. या चित्रपटाचे दिग्दर्शन सोनूनेच केले आहे.
