Yamini Jadhav : एकनाथ शिंदेंच्या शिवसेनेकडून दक्षिण मुंबईसाठी उमेदवार जाहीर करण्यात आला आहे. या जागेसाठी शिंदे गटाकडून यामिनी जाधव यांना उमेदवारी जाहीर करण्यात आली आहे. त्यामुळे आता दक्षिण मुंबईत यामिनी जाधव ठाकरे गटाचे उमेदवार अरविंद सावंत यांच्याविरोधात लढणार आहेत.
दक्षिण मुंबईसाठी ठाकरे गटाकडून अरविंद सावंत यांना उमेदवारी जाहीर करण्यात आली आहे. तर उमेदवारी अर्ज भरण्याची शेवटची तारीख जवळ आली आहे तरी महायुतीकडून या जागेसाठी उमेदवार ठरला नव्हता. अशातच आता शिंदे गटाकडून या जागेसाठी यामिनी जाधव यांना उमेदवारी देण्यात आली आहे. त्यामुळे आता दक्षिण मुंबईत ठाकरे विरूद्ध शिंदे अशी लढत पाहायला मिळणार आहे.
तत्पूर्वी दक्षिण मुंबई या जागेसाठी भाजपकडून मंगलप्रभात लोढा हे इच्छुक असल्याचे सांगण्यात येत होतं. तसेच राहुल नार्वेकर हे देखील या मतदार सघात मोर्चेबांधणी करताना दिसले होते. दरम्यान, आता या जागेसाठी यामिनी जाधव यांच्या नावावर शिक्कामोर्तब करण्यात आले आहे.
