Rahul Gandhi : रायबरेली मतदारसंघातील काँग्रेसच्या उमेदवाराबाबतची सस्पेंस संपली आहे. कारण आता राहुल गांधी उत्तर प्रदेशातील रायबरेली मतदारसंघातून निवडणूक लढवणार असल्याचे काँग्रेसने सोशल मीडिया पोस्टमध्ये म्हटले आहे. तर अमेठीतून काँग्रेसचे उमेदवार किशोरीलाल शर्मा असतील. त्यामुळे अमेठीत स्मृती इराणी यांना किशोरीलाला शर्मा टक्कर देणार आहे.
राहुल गांधी रायबरेलीतून निवडणूक लढवत आहेत. त्यासाठी आज ते उमेदवारी अर्ज दाखल करणार आहेत. यासाठी राहुल गांधी, काँग्रेस संसदीय पक्षाच्या अध्यक्षा सोनिया गांधी, काँग्रेस सरचिटणीस प्रियांका गांधी वड्रा, रॉबर्ट वाड्रा, काँग्रेस नेते केसी वेणुगोपाल, राजस्थानचे माजी मुख्यमंत्री अशोक गेहलोत अमेठीच्या फुरसातगंज विमानतळावर पोहोचले आहेत.
तसेच राहुल गांधी उमेदवारी अर्ज दाखल करताना काँग्रेसचे अध्यक्ष मल्लिकार्जुन खर्गे आणि तेलंगणाचे मुख्यमंत्री रेवंत रेड्डीही सामील होणार आहेत. मिळालेल्या माहितीनुसार, दोन्ही नेते रायबरेलीला रवाना झाले आहेत.
