Kiran Sarnaik Brother’s Car Accident : शिक्षक आमदार किरण सरनाईक यांच्यावर दु:खाचा डोंगर कोसळला आहे. सरनाईक यांच्या कुटुंबातील गाडीचा आज (3 मे) दुपारी भीषण अपघात झाला. या अपघातामध्ये किरण सरनाईक यांच्या कुटुंबातील चौघांचा दुर्दैवी मृत्यू झाल्याची माहिती समोर आली आहे.
अपघातग्रस्त कारमधून किरण सरनाईक यांचा भाऊ, भावाचा मुलगा, मुलगी आणि नात प्रवास करत होते. तर अकोला जिल्ह्यातील पातूर शहराजवळील पुलाजवळ सरनाईक यांच्या भावाच्या कारला अपघात झाला. कारची समोरासमोर जोरदार धडक झाल्यामुळे चार जणांचा जागीच मृत्यू झाला. या अपघातामध्ये सरनाईक यांचा भाऊ, मुलगी आणि नातीचा मृत्यू झाला असल्याची माहिती समोर आली आहे.
या घटनेची माहिती मिळताच पातुर पोलिसांनी तातडीनं घटनास्थळी धाव घेतली. तर सध्या अपघातातील मृतांचे मृतदेह शवविच्छेदनासाठी रूग्णालयात पाठवण्यात आले आहेत. या अपघातानंतर परिसरात एकच खळबळ उडाली आहे.
