सध्या देशभरात लोकसभा निवडणूक सुरु आहे. देशात तीन टप्प्यातील मतदान पार पडले आहे. अजून चार टप्प्यातील मतदान बाकी आहे. राज्यात ४८ जागांवर लोकसभेची निवडणूक होत आहे. मात्र राज्यात लोकसभा निवडणूक संपते तोवर विधानपरिषदेची निवडणूक होणार आहे. पदवीधर आणि शिक्षक मतदारसंघाच्या निवडणुका जाहीर झाल्या आहेत. मुंबई, कोकण आणि नाशिक जागेवर निवडणूक लागल्या आहेत. चार आमदारांचा कार्यकाळ हा ७ जुलै संपत असल्याने या ठिकाणी निवडणुका जाहीर झाल्या आहेत.
विधानपरिषदेच्या पदवीधर आणि शिक्षक मतदारसंघाच्या जागांसाठी निवडणूक जाहीर झाली आहे. मुंबईत २, नाशिक आणि कोकणात एक अशा ४ जागांवर निवडणूक जाहीर आली आहे. १० जून रोजी मतदान होणार आहे आणि १३ जूनला मतमोजणी होणार आहे. निवडणूक प्रक्रिया १५ मे पासून सुरु होणार आहे. इकचुक उमेदवारांना २२ तारखेपर्यंत अर्ज दाखल करता येणार आहे.
