Deepika-Ranveer : दीपिका पदुकोण आणि रणवीर सिंह हे बॉलिवूडचे लोकप्रिय कपल आहेत. त्या दोघांचा चाहता वर्गही मोठ्या संख्येत आहे. त्यामुळे ते दोघं सोशल मीडियावर नेहमी चर्चेत असतात. त्यात आता दीपिकानं काही दिवसांपूर्वीच गुड न्यूज दिली आहे. लवकर दीपिका-रणवीर आई-बाबा होणार आहेत. त्यामुळे त्यांच्या चाहत्यांमध्ये आनंदाचं वातावरण आहे. अशातच काही दिवसांपूर्वी रणवीरने सोशल मीडियावरून त्यांच्या लग्नाचे फोटो डिलिट केल्यामुळे दीपिका आणि त्याच्यात बिनसल्याच्या चर्चा सुरू होत्या.
दीपिका आणि रणवीरमध्ये बिनसल्या चर्चा सोशल मीडियावर मोठ्या प्रमाणात सुरू होत्या. अशातच आता सोशल मीडियावर दीपवीरचा एक नवीन व्हिडीओ व्हायरल होत आहे, ज्यामुळे सोशल मीडियावर सुरू असलेल्या चर्चांना पूर्णविराम मिळाला आहे.
सोशल मीडियावर व्हायरल होत असलेल्या व्हिडीओमध्ये दीपिका आणि रणवीर मुंबईमध्ये एकत्र स्पॉट झाले. ज्यामध्ये दीपिका आणि रणवीर एकदम कूल लूकमध्ये दिसत आहेत. त्यात दीपिकाने तिचा बेबी बंप लपवण्यासाठी लूज टी-शर्ट घातला होता. तर रणवीर व्हाईट टी-शर्ट, व्हाईट कॅप आणि डोळ्यावर गॉगल अशा हटके, कूल लूकमध्ये दिसला.
व्हायरल झालेल्या व्हिडीओत दीपिकासोबत रणवीर आणि तिचा बॉडीगार्ड दिसत आहे. तर यावेळी दीपिका आणि रणवीर जात असताना दीपिकाची नजर पापराझीच्या कॅमेऱ्यावर पडते. मग कॅमेरा पाहताच दीपिका कॅमेऱ्यावर हात मारते अन् तिथून निघून जाते. सध्या दीपिका अन् रणवीरचा हा व्हिडीओ सोशल मीडियावर मोठ्या प्रमाणात व्हायरल होत आहे.
https://www.instagram.com/reel/C6tZX1WP3Ju/?utm_source=ig_web_copy_link
दरम्यान, दीपिका आणि रणवीरच्या आगामी चित्रपटाबाबत बोलायचं झालं तर ते दोघं लवकरच दिग्दर्शक रोहित शेट्टीच्या ‘सिंघम अगेन’ या चित्रपटात दिसणार आहेत. सध्या या चित्रपटाचं शूटिंग सुरू असून प्रेक्षक हा चित्रपट पाहण्यासाठी उत्सुक झाले आहेत.
