Gurucharan Singh : मागील काही दिवसांपासून ‘तारक मेहता’फेम गुरूचरण सिंग बेपत्ता झाला आहे. 22 एप्रिल रोजी गुरूचरण सिंग मुंबईला जात असल्याचं सांगून घरातून बाहेर पडला होता. मात्र, तो मुंबईत न पोहचता अचानक बेपत्ता झाला. त्यानंतर तो दिल्लीच्या पालम परिसरातील एका सीसीटिव्हीमध्ये दिसला होता. तर आता गुरूचरण सिंगे बेपत्ता होऊन इतके दिवस झाले आहेत मात्र त्याच्याबाबत काहीही माहिती समोर आलेली नाहीये.
सध्या गुरूचरण सिंगचा पोलीस शोध घेत आहेत. पण, या प्रकरणात अद्यापही पोलिसांनी काहीच हाती लागलेले नाहीयेत. तर गुरूचरण सिंग बेपत्ता झाल्यापासून त्याचे कुटुंबिय चिंतेत असल्याचं पाहायला मिळत आहे.
आता गुरूचरण सिंगबाबत एक धक्कादायक माहिती समोर आली आहे. गुरूचरण सिंगचे एकापेक्षा जास्त जीमेल अकाऊंट आहेत. तर त्याचे दहापेक्षा अधिक फायनेंशियल अकाऊंट आहेत. तसेच त्याचा धर्माकडेही कल वाढल्याची माहिती समोर आली आहे.
गुरूचरण सिंहबाबत त्याच्या मित्रानं देखील खुलासा केला आहे. त्याच्या मित्राने सांगितले की, काही दिवसांपूर्वीच गुरूचरणने पर्वतांमध्ये राहण्याची इच्छा व्यक्त केली होती. दरम्यान, गुरूचरण सिंहबाबत उघड झालेल्या हैराण करण्याऱ्या या माहितीने सगळेच चकीत झाले आहेत. तसेच पोलीस या प्रकरणात सध्या कसून तपास करत आहेत.
