आयपीएलच्या स्पर्धेतून मुंबई इंडियन्स हा संघ बाहेर पडणारा पहिला संघ ठरला आहे. या प्रसंगासाठी हार्दिक पंड्या जबाबदार असल्याचे चाहत्यांचे म्हणणे आहे. रोहित शर्माचे कर्णधारपद काढून हार्दिक पंड्याला देण्यात आले तेव्हापासून मुंबईचे चाहते संतापले आहेत. पहिल्या काही सामन्यात हार्दिक पांड्याला प्रचंड प्रमाणात ट्रोल केले गेले आहे. चाहत्यांचे रोहितवरील प्रेम अधिकच वाढलेले दिसून येत आहे. सध्या एक व्हिडीओ व्हायरल झाला आहे. त्यात रोहित आणि हार्दिक सोबत जात असताना चाहत्यांकडून रोहित शर्माच्या घोषणा दिला जात आहेत.
मुंबई इंडियन्सचा पुढील सामना कोलकाताच्या ईडन गार्डन्स मैदानावर होणार आहे. त्यासाठी मुंबईचा संघ कोलकातामध्ये दाखल झाला आहे. मात्र विमानतळावर रोहित शर्माच्या नावाच्या घोषणा देण्यात आल्या. रोहित शर्मा दिसताच घोषणाबाजीला सुरुवात झाली. रोहित हमारा कॅप्टन है, अशा प्रकारच्या घोषणा दिल्या गेल्या. हा व्हिडीओ सोशल मीडियावर मोठ्या प्रमाणात व्हायरल झाला आहे.
