KKR vs MI : काल (11 मे) कोलकाता नाईट रायडर्स विरूद्ध मुंबई इंडियन्स असा चुरशीचा सामना पार पडला. IPL-2024 च्या 60 व्या सामन्यात कोलकाताने मुंबईचा 18 धावांनी पराभव केला. यासह कोलकाता नाईट रायडर्स प्लेऑफसाठी पात्र ठरणारा पहिला संघ ठरला आहे.
कोलकात्याच्या 158 धावांच्या लक्ष्याचा पाठलाग करताना मुंबईने दमदार सुरुवात केली. इशान किशन 40 धावा करून बाद झाला तर रोहित 19 धावा करून बाद झाला. सूर्यकुमार केवळ 11 धावा करून बाद झाला. टिळकने 32 धावांचे योगदान दिले तर रसेल, नारायण आणि हर्षित राणा यांनी 2-2 बळी घेतले.
तत्पूर्वी, नाणेफेक गमावल्यानंतर कोलकाताने प्रथम फलंदाजी करताना 7 विकेट गमावून 157 धावा केल्या. व्यंकटेश अय्यरने 42 धावांची खेळी केली. प्रदीर्घ कालावधीनंतर परतलेल्या नितीश राणाने 33 धावा केल्या. रसेल (24) आणि रिंकू सिंग (20) यांच्या छोट्या खेळींनी संघाला सन्मानजनक धावसंख्येपर्यंत नेले.
