Dhanush Son Yatra Raja 12th Result : साऊथचा सुपरस्टार धनुष हा सोशल मीडियावर नेहमीच चर्चेत असतो. त्याचा चाहता वर्गही लाखोंच्या संख्येत आहे. त्यामुळे धनुषते नवीन फोटो, व्हिडीओ आणि त्याच्याबाबतचे नवीन अपडेट्स जाणून घेण्यासाठी त्याचे चाहते नेहमी आतुर असतात. अशातच आता सोशल मीडियावर धनुष हा चर्चेत आला आहे तो म्हणजे त्याच्या मुलामुळे. होय, तुम्ही खरं ऐकताय धनुषच्या लेकानं मोठी कामगिरी केली असून त्यामुळे धनुष आणि त्याचा लेक दोघंही सध्या सोशल मीडियावर मोठ्या प्रमाणात चर्चेत आले आहेत.
धनुषचा मुलगा यात्रा राजा याचा बारावीचा निकाल सध्या सोशल मीडियावर चर्चेचा विषय ठरला आहे. कारण यात्रा राजाने बारावीत एकूण 600 पैकी 569 गुण मिळवल्याचं निकालात पाहायला मिळत आहे. प्रत्येक विषयामध्ये यात्राने चांगले गुण मिळवले आहेत. त्यामुळे सध्या त्याच्या निकालाची सोशल मीडियावर जोरदार चर्चा सुरू आहे.
यात्राच्या निकालाबाबत जाणून घ्यायचं झाल्यास, त्याला इंग्रजीमध्ये 100 पैकी 92, गणितात 100 पैकी 99, रसायनशास्त्रमध्ये 100 पैकी 92, भौतिकशास्त्रमध्ये 100 पैकी 91 आणि जीवशास्त्रमध्ये 100 पैकी 97 गुण मिळाले आहेत. यात्राचा हा निकाल व्हायरल झाल्यानंतर सोशल मीडियावर नेटकऱ्यांनी त्याच्यावर कौतुकाचा आणि शुभेच्छांचा वर्षाव केला आहे.
