Neelam Gorhe : आज लोकसभा निवडणुकीच्या चौथ्या टप्प्यातील मतदान होत आहे. त्यामुळे आज सकाळपासून लोकांच्या मतदानासाठी रांगा लागल्या आहेत. यामध्ये सामान्य जनतेसह अनेक कलाकार, राजकीय नेत्यांनी मतदानाचा हक्क बजावला आहे. यामध्ये आता नीलम गोऱ्हे यांनी एनडीएला बहुमत मिळणार असल्याचा विश्वास व्यक्त केला आहे.
यावेळी नीलम गोऱ्हे म्हणाल्या की, एनडीएला देशात आणि राज्यात बहुमत मिळणार आहे. कारण राज्यामध्ये महायुतीला चांगलं वातावरण आहे, असा विश्वास गोऱ्हेंनी व्यक्त केला.
पुढे त्या म्हणाल्या, मतदानाची टक्केवारी वाढणार की नाही हे आत्ताच सांगता येणार नाही, पण आज मतदारांमध्ये उत्साह चांगला दिसत आहे. तर काही लोक अफवा पसरवत असून मतदारांची दिशाभूल करण्याचा प्रयत्न करत आहेत. जर त्यांच्याकडे पुरावे असतील तर त्यांनी ते निवडणूक आयोगाकडे द्यावेत”, असंही नीलम गोऱ्हे म्हणाल्या.
दरम्यान, राज्यातील नंदुरबार, जळगाव, बीड, अहमदनगर, पुणे, शिरूर, छत्रपती संभाजीनगर, रावेर, शिर्डी, मावळ, जालना या लोकसभा मतदारसंघासाठी मतदान सुरु झाले आहे. त्यामुळे आज अनेक दिग्गजांची प्रतिष्ठा पणाला लागली आहे
