PM Modi Road Show In Mumbai : सध्या पंतप्रधान नरेंद्र मोदी हे महाराष्ट्र दौऱ्यावर आहेत. कारण महाराष्ट्रातील पाचव्या आणि शेवटच्या टप्प्यासाठी पंतप्रधान मोदी आज नाशिक आणि मुंबईमध्ये असणार आहेत. तर आज त्यांनी नाशिक आणि कल्याणमध्ये सभा पार पडणार आहे. विशेष म्हणजे पंतप्रधानांचा आज घाटकोपरमध्ये भव्य रोड शो होणार आहे. त्यांच्या या रोड शोला मोठमोठे नेते उपस्थित राहणार आहेत.
आज दुपारी 3.15 वाजता पंतप्रधान मोदींची नाशिकमधील दिंडोरी येथे सभा होणार आहे. त्यानंतर त्यांची कल्याणमध्ये संध्याकाळी 5.15 वाजता सभा होणार आहे. तर मुंबईत संध्याकाळी 6.45 वाजता त्यांना रोड शो होणार आहे. या रोड शोला पंतप्रधान मोदींसोबत मुख्यमंत्री एकनाथ शिंदे, उपमु्ख्यमंत्री देवेंद्र फडणवीस, उपमुख्यमंत्री अजित पवार उपस्थित राहणार आहेत.
या मोठ्या नेत्यांशिवाय पंतप्रधान मोदींच्या रोड शोमध्ये सहभागी होण्यासाठी आता आणखी एका मोठ्या नेत्याच्या नावाची चर्चा सुरू झाली आहे. यावेळी या रोड शोला मनसे अध्यक्ष राज ठाकरे उपस्थित राहणार का? असा सवाल उपस्थित केला जात आहे.
आज भाजप प्रदेशाध्यक्ष चंद्रशेखर बावनकुळे यांनी राज ठाकरेंची भेट घेतली. या दरम्यान या रोड शो संदर्भात चर्चा झाली असल्याचं म्हटलं जात आहे. त्यामुळे आता या रोड शोमध्ये राज ठाकरे उपस्थित राहणार का? याकडे सर्वांचे लक्ष लागले आहे.
दरम्यान, लोकसभा निवडणुकीसाठी राज ठाकरेंनी महायुतीला बिनशर्त पाठिंबा दिला आहे. त्यामुळे राज ठाकरे पंतप्रधान मोदींच्या रोड शोला उपस्थित राहावे, यासाठी महायुतीकडून प्रयत्न केले जात आहेत.
