Rakhi Sawant Hospitalized : अभिनेत्री राखी सावंत ही सोशल मीडियावर नेहमी सक्रिय असते. तिचा चाहता वर्गही मोठ्या संख्येत आहे. तिला पापाराझी नेहमी कुठेना कुठे स्पॉट करत असतात. तर राखी देखील तिच्या चाहत्यांचं मनोरंजन करताना दिसते, त्यामुळे ती सारखी चर्चेत असते. अशातच आता राखीच्या चाहत्यांसाठी एक निराशाजनक बातमी आहे. कारण राखीची प्रकृती अचानक बिघडली असून तिला तातडीनं रूग्णालयात दाखल करण्यात आलं आहे.
सध्या राखीचे काही फोटो सोशल मीडियावर व्हायरल होत आहेत, ज्यामध्ये ती रूग्णालयामध्ये असून एका बेडवर झोपलेली दिसत आहे. तसेच तिला सलाईन लावलेलेही दिसत आहे. राखीची तब्येत खराब झाल्यामुळे तिला अचानक रूग्णालयात दाखल करावे लागले.
राखीला हृदयाशी निगडीत काही समस्येमुळे रूग्णालयात दाखल करण्यात आलं आहे. पण तिला नेमकं काय झालं आहे याबाबत अद्याप समजू शकलेलं नाहीये. पण राखीचे रूग्णालयातील फोटो व्हायरल झाल्यानंतर तिचे चाहते चिंतेत पडले असून ती लवकरात लवकर बरी व्हावी यासाठी ते प्रार्थना करत आहेत.
