Sharad Pawar On Ajit Pawar : राज्याचे उपमुख्यमंत्री अजित पवार हे काल पंतप्रधान मोदींच्या मुंबईतील रोड शो मध्ये कुठेच दिसले नाहीत. त्यात बारामती लोकसभा निवडणुकानंतर अजित पवार दिसलेच नाहीत. त्यामुळे राजकीय वर्तुळाच चर्चांना उधाण आलं आहे. अजित पवार नेमके गेले कुठे? असा सवाल उपस्थित केला जात आहे. तर या चर्चांना आता शरद पवारांनी पुर्णविराम दिला आहे.
नाशिक येथे आज शरद पवारांनी पत्रकार परिषद घेतली. यावेळी त्यांनी अजित पवारांच्या अनुपस्थितीबाबतची माहिती दिली. अजित पवार हे आजारी असल्यामुळे ते प्रचारामध्ये दिसले नाहीत, अशी माहिती शरद पवारांनी दिली आहे.
बारामती लोकसभा निवडणुकीत अजित पवार विरूद्ध शरद पवार अशी लढत होत आहे. त्यामुळे प्रचारादरम्यान या दोघांनी एकमेकांवर जोरदार टीका केली आहे. बारामतीमध्ये अजित पवार यांच्या पत्नी सुनेत्रा पवार आणि शरद पवार यांची कन्या सुप्रिया सुळे या दोघींमध्ये लढत आहे. दरम्यान, अजित पवार आणि शरद पवार एकमेकांविरोधात असतानाच आता शरद पवारांनी अजित पवारांची प्रकृती खराब असल्याची माहिती देत चर्चांना पूर्णविराम दिला आहे.
