आयपीएलचा १७ वा हंगाम अंतिम टप्प्यात पोहोचला आहे. काही संघ
प्लेऑफमध्ये पोहोचले आहेत. काही जण प्लेऑफमध्ये जाण्यासाठी संघर्ष करत आहेत. आज
याचदरम्यान गुजरात टायटन्स विरुद्ध सनरायझर्स हैद्राबाद यांच्यात सामना होणार आहे.
आजच्या सामन्यात पजिंकल्यास हैद्राबादचा प्लेऑफमधील प्रवेश नक्की होणार आहे. मात्र
त्यांना आजचा सामना जिंकावा लागणार आहे. तर दुसरीकडे गुजरात टायटन्सचे आव्हान आधीच
संपुष्ठात आले आहे. त्यामुळे शेवटचा सामना जिंकून स्पर्धेचा शेवट गोड करण्याचा
प्रयत्न गुजरातचा संघ करण्याचा प्रयत्न करेल.
सनरायझर्स हैदराबादची फलंदाजी अतिशय
उत्तम होत आहे. गोलदांजीत देखील त्यांनी काही प्रमाणात सातत्य दाखवले आहे.
त्यामुळे आजच्या सामन्यात देखील हैद्राबाद चांगल्या खेळीची आशा करत आहे. तर
दुसरीकडे गुजरातची कामगिरी सुमार राहिली आहे. हार्दिक पंड्या मुंबई संघात आला आणि
गुजरातच्या संघात पोकळी निर्माण झाली. वेगवान गोलंदाजी फारशी चांगली कामगिरी दाखवत
नाही आहे. त्यामुळे किमान आजचा सामना जिंकून शेवट गोड करण्याचा प्रयत्न गुजरातचा
संघ करताना दिसेल.
