SSC Result 2024 : महाराष्ट्र राज्य माध्यमिक आणि उच्च माध्यमिक शिक्षण मंडळाच्यावतीने 10 वी आणि 12 वी च्या परीक्षा आयोजित करण्यात आल्या होत्या. या परीक्षा फेब्रुवारी आणि मार्च महिन्यात झाल्या होत्या. तर आता दहावी आणि बारावीच्या विद्यार्थ्यांना परीक्षांच्या निकालाचे वेध लागले आहेत. तर आता दहावीच्या निकालाबाबत मोठी अपडेट समोर आली आहे.
सीबीएसईच्या दहावीचा निकाल जाहीर झाल्यानंतर आता महाराष्ट्रातील दहावीच्या निकालाबाबत मोठी अपडेट समोर आली आहे. दहावीचा निकाल हा मे महिन्याच्या शेवटी जाहीर होऊ शकतो. दहावीसोबतच बारावीचा निकालही येत्या आठवड्यात जाहीर होईल, अशी माहिती समोर आली आहे.
सध्या बोर्डाकडून दहावी आणि बारावीच्या परीक्षांच्या उत्तर पत्रिका तपासाणीचं काम पूर्ण झालं आहे. उत्तर पत्रिका तपासणीचं काम पूर्ण झालं असून दुसरीकडे निकाल तयार करण्याचं कामही अंतिम टप्प्यात असल्याची माहिती आहे. त्यामुळे आता बारावीचा निकाल येत्या आठवड्यात जाहीर केल्यानंतर मे महिन्याच्या अखेरीस दहावीचा निकाल जाहीर होणार आहे.
