आज आयपीएलच्या स्पर्धेत चेन्नई सुपर किंग्ज विरुद्ध रॉयल चॅलेंजर्स बंगलोर यांच्यात अत्यंत महत्वाचा सामना होणार आहे. प्लेऑफमध्ये याआधीच तीन संघ पोहोचले आहेत. तर आज चौथ्या स्थानासाठी चेन्नई आणि बंगलोरमध्ये चुरशीचा सामना होणार आहे. बंगलोरच्या चिन्नास्वामी स्टेडियमवर आजचा सामना पार पडणार आहे. आजच्या सामन्यात प्लेऑफ मध्ये पोहोचणार ४ था संघ कोणता असेल हे स्पष्ट होणार आहे.
आजच्या बंगलोर आणि चेन्नईच्या सामन्यात पावसाचा व्यत्यय येण्याची शक्यता आहे. पावसामुळे सामना रद्द झाल्यास रॉयल चॅलेंजर्स बंगलोर संघाचे आव्हान संपणार आहे. त्यानंतर चेन्नईचा संघ प्लेऑफ मध्ये प्रवेश करणार आहे. त्यामुळे आज पावसाचा वत्यय सामन्यात येऊ नये अशीच इच्छा बंगलोरच्या संघ आणि संघाच्या चाहत्यांची असणार आहे. आयपीएलच्या प्लेऑफ मध्ये याआधी कोलकाता, राजस्थान आणि हैदराबादचे संघ पोहोचले आहेत.
