Prataprao Bhosale Passed Away : काँग्रेसचे ज्येष्ठ नेते आणि माजी कॅबिनेट मंत्री प्रतापराव भोसले यांचं आज निधन झालं आहे. त्यांनी आज पहाटे साताऱ्यामध्ये अखेरचा श्वास घेतला. तर त्यांच्या निधनानं राजकीय वर्तुळात शोककळा पसरली आहे. तसेच अनेक नेत्यांनी त्यांच्या निधनानंतर शोक व्यक्त केला आहे.
प्रतापराव भोसले यांनी राज्याचे पहिले मुख्यमंत्री स्वर्गीय यशवंतराव चव्हाण यांच्यासोबत काम केलं होतं. त्यांनी कॅबिनेटमध्ये अनेक मंत्रि‍पदे भूषवली होती. तसेच त्यांनी काँग्रेसमध्ये संघटनात्मक पदे भूषवली होती. तसेच प्रतापराव जाधव हे काँग्रेसचे माजी प्रदेशाध्यक्ष होते.
विशेष सांगायचं झालं तर, प्रतापराव भोसले यांनी चारवेळा आमदारकी जिंकताना कमी वयामध्ये आमदार होण्याचा मान मिळवला होता. तर त्यांनी सातारा मतदारसंघाचे नेतृत्व देखील केले होते. ते 8व्या, 9व्या आणि 10व्या लोकसभेसाठी निवडून आले होते.
